Tuesday, June 05, 2007

ಪಿಸುಮಾತು


ಕಣ್ಣಿಗೆ ಕಣ್ಣನಿರಿಸಿ
ಮೊಗ್ಗಾದ ತುಟಿಗಳ ಅರಳಿಸಿ
ತುಟಿಗಳ ಹೊಲಿಸಿ
ಉಸಿರು ಕಟ್ಟಿ ಮುತ್ತನಿಟ್ಟು
ಕಚ್ಚಿ ಕೆಂಪಾಗಿಸಿ

ಬರ ಸೆಳೆದು ಆಲಂಗಿಸಿ
ಅಪ್ಪಿ ಮುದ್ದಾಡಿ
ಎದೆಗೆ ಎದೆಯನಿರಿಸಿ
ಕಿವಿ ಕಚ್ಚಿ ಉಸಿರು ಬಿಟ್ಟು
ಮೀಟಿ ಮುದ ನೀಡಿ

ಮೈ ಭಾರ ಹೊತ್ತು
ಮೈ ಮರಗಟ್ಟಿ ಬಿಟ್ಟು
ಚಳಿಯಲ್ಲೂ ಬೆವರಿ
ಬೆವರಿನಲ್ಲಿ ಮಿಂದು
ಆಲಂಗಿಸಿ ಮಲಗಿದ ಮೌನ

ಭಾವನೆಗಳ ಓಕಳಿ
ಎರಡು ಹೃದಯಗಳ
ಪಿಸುಮಾತು..

Image flicked from http://www.art.com/

ಸ್ನೇಹ


ಸ್ನೇಹ ಒಂದು ಕವನ
ನೂರೊಂದು ಭಾವನೆಗಳ ಮಿಲನ
ಬದುಕಿನ ಜಂಜಾಟದಿ
ಬೇಸತ್ತ ಮುಗ್ಧ ಮನಸಿಗೆ
ತಂಪೆರೆವ ಅಮೃತ ಸಿಂಚನ..

ಬಾಲಂಗೋಚಿ



ನಾ ಬಂದ ಕಾಲ ನನಗರಿವಿಲ್ಲ
ಆಡಿದ ಆಟ ಮರೆತಿಲ್ಲ
ಮುಂಜಾನೆ ಎದ್ದು ರೊಟ್ಟಿ ತಿಂದು
ಹಾರಿಸಿದ ಗಾಳಿಪಟದ
ನೆನಪಿನ ಬಾಲಂಗೋಚಿ ಅಳಿದಿಲ್ಲ

ನಿನ್ನ ಕಣ್ಣಿನಲ್ಲಿ ಕಂಡ ಪ್ರೀತಿ ಮಾಸಿಲ್ಲ
ಸ್ಪರ್ಶದ ಸವಿ ಮಾಗಿಲ್ಲ
ಜೊತೆಯಾಗಿ ಆಡಿದ ಮಾತು ಮರೆತಿಲ್ಲ
ನಿನ್ನೊಲುಮೆಯ ಮುತ್ತು ಜಿನುಗಿಲ್ಲ
ಗೆಳತಿ ನೀ ನನ್ನ ಬಾಳ ಸಂಗಾತಿಯಾಗಿ ಉಳಿದುಬಿಟ್ಟೆಯಲ್ಲ

ನೀನಿಲ್ಲದ ಮುಪ್ಪು ನನಗೆ ಇಷ್ಟವಿಲ್ಲ
ಅದನ್ನು ನೆನೆಯೊ ಯೋಚನೆ ಈಗ ನನಗಿಲ್ಲ
ನೀ ಇಲ್ಲದ್ದಿದ್ದರೂ ನಿನ್ನ ನೆನಪು ನನಗಿದೆಯೆಲ್ಲ
ಬಲು ಬೇಗ ನಾ ಬಂದು ನಿನ್ನಲ್ಲೆ ಸೇರುವೆನಲ್ಲ
ನಮ್ಮಿಬ್ಬರ ಜೊತೆಯ ಬಾಲಂಗೋಚಿ ಉಳಿದುಬಿಟ್ಟಿದೆಯಲ್ಲ..!